Planning Committee an ṭhu

Mamit District Plan­ning Committee chu Janua­ry 30, Thawhlehni khan DC conference hall-ah an ṭhukhawm a, an district-a MLA pahnih John Rotluangliana leh V Lalrobiaka ten an hmanpui.

John Rotluangliana chuan, Mamit district-a ei leh bara an intodelh zawk theihna atan ran vulh uar tur leh leilung hausakna hmang ṭangkai a, thlai nget phun uar tur leh, an huam chhung ṭheuhte a hmunah kalchilha fang chhuak turin official-te a chah a, "Chu chuan hmasawnna ruhrel siam­na kawngah nasa takin hmalak a tiawlsam dawn a ni," a ti.

Meeting-ah hian NEDP hnuaia hmalakna pakhat, Village Level Development Programme (VLDP) Streering Committee-in a thlan angin Mamit district-a hmalakna tur ngaihtuah a ni. Hmalak hmasakna tur atan Dampa tlangdung, Saikhawthlir tlangdung, Phuldungsei tlangdung, Kawrtethawveng tlang­dung, Reiek tlangdung leh Darlung tlangdunga khaw hrang hrangte tan hmasawnna hna kalpui ni se, tiin an rel a ni.