Thi leh piangte chhinchhiah dan zir

Economics and Statistics department chuan nimin khan Kolasib District Research Office-ah registrar of birth & Death (RBD)-te tan ni hnih awh tur Civil Registration System of Births & Deaths 2017-18 chungchang zirhona an buatsaih.

Training hi district research officer H Lalremmawii'n a kaihruai a; khuallian chief judicial magistrate (CJM) Sylvia Z Ralte-in thu sawiin, Kolasib district chu ramri hnaiha awm a nih avangin nau piang leh mitthi chhinchhiah uluk a pawimawh tih a sawi a, "RBD-te hi vawi khat tihsual hlekah sorkar hna thlenga chân thei an ni. Court rorelnaah RBD-te an pawimawh a, birth certificate leh death certificate an pekte thutlukna siam nan a ṭangkai telh telh dawn a ni," a ti.

Training-a tarlan danin, Mizoramah RBD 843 an awm a, Kolasib district bikah 43 an awm. RBD-te hi sorkarin lawmman atan thla khatah Rs. 250 a pe ṭhin a, hei hi state dang chuan an pe ve thei lo a, Mizoram chu India ramah a ti ṭha ber a ni.

Kolasib district-ah kum 2017 chhung­in nau piang mipa 776 hmeichhia 684, an vaiin 1,460 an awm a, mitthi mipa 312 leh hmeichhia 144, an vaiin 456 an awm bawk