Covid-19 vei pakhat thih belh

Nimin khan Covid-19 vei mi pakhat a thih belh a; sorkar chhinchhiah angin hripui vanga Mizorama thi tawh zat chu mi 116 an ni.

Covid-19 vei enkawl lai Zothani (74) w/o R Thantluanga, Saron Veng, Aizawl chu nimin zing dar 3:45 khan State Referral Hospital (ZMC)-ah a thi a, nimin vek khan Saron Veng Presbyterian Kohhran hall kawtah vui a ni. Amah hi thisen sang nei sa a ni a; Covid-19 positive a ni tih June 30, 2021 khan hmuh chhuah niin, SRH-ZMC-ah enkawl nghal a ni.