Khawzawlah kawngpui enfiah

Khawzawl Road Pro­­­tec­tion Squad chuan nimin zing khan bawr­hsap Zothanmawia hoin Khawzawl khawpui chhung kawngpui dungte an endik a; kawngpui nêk chêp leh tichhe thei zawnga hmalakna awm theite chu senghawi turin a neitute an hriattir.

Road Protection Squad hian Zaingen, Zuchhip, Dinthar leh Electric Vengte an fang kual a, VC leh YMA hruaitute'n an huam chhung ṭheuhah an lo ṭawiawm. Kawngpui nêk chêp zawnga hmalakna ngaimawhawm chin neitu mi 16-te chu insenghawi tur leh chhunzawm tawh lo turin an hrilh a, CrPC Section 133 hnuaiah lehkha an pe nghal zel bawk.