Lengpuiin lui vah pawh lo turin hriattir

Lengpui Village Council chuan an khaw ram chhunga lui kama ram neite chu lui vah pawh lo turin an hriattir a, ram neite chu July 2021 chhung ngeiin Lengpui VC-ah inhriattir vek turin an chah bawk. He ruahmanna hi lui tui kang zel tur vênna atana tih a ni.

Lengpui VC-in an khaw ram chhunga vah pawh loh tur lui an tarlante chu - Lengpui lui, Vawmpuk lui, Lawngzawl Fangfar, Lunghmul lui, Challui, Tuilût, Sairilzo lui, Thingkhuang lui, Fangfar lui, Hnawmphiah lui, Damvea lui, Sauih lui, Chiahpui leh Maicham luite a ni a; lui kam tawn tawnah ft. 50 chin zel humhalh tur a ni. Lui tarlan bak lui dang zawng chu a kam tawn tawn ft. 30 zel zuah turin an ti bawk.