BJP-in hripui dona hmanrua an sem

BJP, Mizoram Pradesh chuan July 17, Inrinni khan Langkaih Group YMA, Taitesena Group YMA leh West Phailengahte Covid-19 dona atan SEWA International leh IBC aṭanga Covid-19 dona hmanrua an dawn - oxygen concetrator, PPE kit leh health & hygiene kit bakah, ei tur chi hrang hrang an sem.

Mizoram BJP president Vanlalhmuaka chuan, Mizoramah sorkarna chang rih lo mah se, an tih theih ang angah mipui mamawhte sorkar laipui aṭangin an dap ve zel tih a sawi a, "Tunah pawh khaw hrang hrangah mamawhtute hnenah a tahtawlin Covid-19 dona hmanrua pek zel kan tum. Tunah tam tak ti thei lo mah ila, kan thilpekte hi ṭangkai taka an hman kan beisei," a ti.

Langkaih Group YMA hruaitute'n oxygen cylinder an mamawh thu an thlen chungchangah Vanlalhmuaka chuan, a rang lama pek theih an inbeisei thu a hrilh.