March 15 hmain lo hâl tur

State Level Fire Prevention Committee chu, nimin khan principal chief conservator of forest (PCCF) Lalram Thanga hoin CMO conference hall-ah an ṭhukhawm a; March 15, 2018 hma ngeiin lo/huan hâl hman ni se, an ti.

Meeting chuan, lo/huan hâl hun bituk chhunga hâl lo an awm leh awm loh endik an rêl a, district thuneitute chu dan khauh taka kengkawh turin an beisei. Fire Prevention Week pawh February 12-17, 2018 chhunga hman turin ruahman an siam a, thupui atan 'Ram tikâng lo turin mi tin i fimkhur ang u' tih an thlang.