Hindi result chhuakah 99.40% in an pass

Mizoram Hindi Prachar Sabha (MHPS)-a Board of Examinations chuan nimin khan Hindi Prabodh (pawl 10), Visharad (pawl 12) leh Praveen (B.A) second session 2017 result a tichhuak a; a pumpuiah zirlai 169 zinga 168 an pass a, pass percentage chu 99.40% a ni.

Hindi Prabodh, Visharad leh Praveen-ah hian candidate 169 zinga 168 pass in, pakhat a fail a; distinction-ah zirlai pathum, first division-ah 37, second division-ah 60 leh third division-ah 24 an pass.

Hindi Prabodh-ah zirlai exam 31-te an pass vek a, Hindi Visharad-ah exam beitu zirlai 47 zinga 46 (97.87%) an pass a, pakhat a fail. Hindi Praveen-ah chuan first year-ah exam beitu zirlai 44 an pass vek a, Praveen second year-ah pawh exam beitu zirlai 47-te an pass vek a ni.