Anti-Human Trafficking project hawng

Salvation Army, India Eastern Territory-in project thar a kalpui tur, Anti-Human Trafficking Phase-2 chu nimin khan Booth Mansion Conference Hall, Aizawlah territorial commander Commissioner Lalzam­lova'n Pathian hnenah hlanin a hawng.

Salvation Army-in Anti-Human Trafficking Phase-2 hi kumin 2018 aṭangin kum 2021 thleng an kalpui dawn a, United Kingdom, Australia leh Netherlands-a Salvation Army territory-te ṭanpui­na kaltlanga kalpui tur a ni. A hawnnaah hian sorkar leh tlawmngai pawl hrang hrang aiawh an tel.

Project-in a tum ber chu - kohhran, khawtlang leh mimal tinin theihna an nei tih hriattir te, volunteer 150 tal mi dangte ṭanpui tura buatsaih te, human trafficking leh a kaih­hnawih chungchanga mite hriatna tihpun leh chuta ṭanga anmahni leh mi dangte venghim theihna tur leh, mahni awmna khua/kohhran/khawtlang leh a chhehvela mi dangte pui leh zirtir thei tura buatsaihte a ni.

Anti-Human Traffic­king programme an kal­­puina turte chu - Mizo­ramah chuan Aizawl, Cham­phai leh Vairengte a ni a; state páwnah Silchar, Shillong, Guwahati leh Siliguri leh a chhehvelte a ni.

Salvation Army IET hian Anti Human Traffic­king Phase-1 chu kum 2009-2011 chhung khan an lo kalpui tawh a ni.