MRB-in CYLA hnenah morgue van an hlan

Mizoram Rural Bank (MRB) chuan January 31, 2018 khan corporate social responsibility (CSR) hnuaiah Central Young Lai Association (CYLA) hnenah mitthi phurhna motor, morgue van a pe. Morgue van hlanna inkhawm hi Hotel Regency-ah neih a ni a, Aizawl DC Dr A Mathumma-i'n a hmanpui.

Dr A Mathumma chuan, MRB chu Mizote tana theihtawp chhuah ṭhin a nih thu leh CYLA kaltlanga mi hnuaihnung zawkte leh ṭanpui ngaite tan hna an thawk leh chu lawmawm a tih thu a sawi a; morgue van chu Lawngtlai khaw mipuite'n an vanneihzia hriaa ṭangkai taka hmang turin a duhsakna a hlan.

MRB chairman Gautam Sengupta chuan, MRB chu India rama regional rural bank (RRB) zinga fak hlawh berte zinga mi an nih thu sawiin, khawtlang tana thil ṭha tih theihna remchang CYLA kaltlanga an nei chu lawmawm a tih thu a sawi. Motor inhlanna inkhawmah hian CYLA president J Sangthangpuia pawhin thu a sawi a ni.

MRB hian financial year kal mek chhungin CSR hnuaiah hmun hrang hrangah ṭanpuina an pe tawh a; financial year kal meka CSR puala sum an hman tawh zawng zawng chu cheng nuai 18 a tling tawh a ni.

Financial year kal mekah December 2017 thleng khan MRB hian cheng vbc. 1988 an dawng tawh a; advances-ah vbc. 1017 ppe chhuak tawhin, hlêp chegn vbc. 25.08 an nei tawh. An CD ratio chu 51.16% a ni mek bawk.