Super Bowl-ah Mission Impossible teaser

Mission : Impossible -Fallout teaser chu February 4-a U.S-a Super Bowl neih turah tlangzarh a ni dawn.

Mission : Impossible parukna tur hi July thla khian tlangzarh a ni dawn a, boruak pawh a nei lian sawt viau. He film-a a changtu pa ber Tom Cruise chuan trailer tihchhuah tur hi a lo sawi lang tawh a, mahse Super Bowl lam a lam ri lo. Tunah chuan engkim a chiang ta a, film vuak hotna tur teaser second 30 lek chu tlangzarh a nih tur thu puan a ni. Hei hi official trailer a la ni dawn lo thung a, a hnuah tihchhuah chauh a ni ang.

Mission: Impossible chhuak thar tur tih lar nan hian video clip tawite te tihchhuah a lo ni tawh a, en pawh a hlawh hle. Tom Cruise leh Swedish actress Rebecca Ferguson te channa hi July 27 khian US-ah tlangzarh a ni ang.