Sawm bik zingah Priyanka Chopra

Indian actress lar Priyanka Chopra chu Prince Harry leh Meghan Markle te inneih telpui tura sawm bik zingah a tel a, chanvo pawh pek a ni.

Priyanka Chopra chuan Bristish lal tupa nupui neihna-ah hian kal ngei a tum thu a sawi a, amah pawh a phur tawh hle tih a hriat. Hemi chungchang an zawhna chu chhangin, "Sawmna duhawm tak a ni, tel ngei ka duh a, a rem ngei pawh ka beisei" tiin London pan a tum ruh hle. Mi zawng zawngin he huna tel hi an chak niin a sawi bawk. 'Baywatch' star hi chanvo pwimawh tak pek a nih thu tarlan a ni a,mahse enge a nih chiah puanzar a ni lo thung.

Priyanka hian amah anga thoa film chang ṭhin Markle pawh a fak hle a, midangte tan thawk ṭhin mi a ni, a ti. Midangte tana a inpekna chu entawn tlak a tih thu a sawi uar hle. Bristish lal chhungkua zingah a tel tawh dawn avangin nasa zawka midang ṭanpui hna a thawh a beisei tih a sawi bawk.

Harry leh Markle te hi May 19 khian St George's Chapel, Windsor Castle-ah an inkutsuih dawn a ni.