MLA-te'n Champhaiah ruihhlo dinhmun an zir

Mizorama ruihhlo hluar zel leh ruihhlo ngai pung chak tak zir chiang leh do tura hmalakna hrang hrangte enfiah turin Mizoram Legislative Assembly hnuaia pêng pakhat, Assembly Subject Committee-I member-te chuan February 1, Ningani tlai khan Champhai an thleng.

Assembly Subject Committee-I hian nimin khan YMA Sub-Headquarter, Champhai, Vanhnuailiana Group YMA leh Tuipuiral Group YMA hruaitute an kâwm; nimin vek khan Champhai Winery leh Excise and Narcotics department pisa an tlawh bawk.

Committee hian an thil hriat duh angte lakhawmin hma an la zel dawn a, Myanmar aṭanga Mizorama ruihhlo lo lut a tlem theihna atana sorkar hmalakna tura an duhte report siamin, Assembly session-ah report kimchang an thehlut dawn a ni.

Champhaia Assembly Subject Committee-I member kalte chu - acting chairman Lt.Col. ZS Zuala, Nihar Kanti Chakma, Vanlalzawma leh Lalruatkima te an ni.