MBKHP-in inkhawmpui atan kum tin Member tinin Rs. 20 thawh an rêl

Mizoram Baptist Kohhran Hmeichhe Pawl (MBKHP) Inkhawmpui vawi 50-na chu Lunglawn Mualah chhunzawm a ni a, nimin khan Lunglawn East biak-inah rorel inkhawm vawi 68-na neih niin, MBKHP inkhawmpui atan kum tin member tinin Rs. 20 ṭheuh thawh khawm an rêl.

Rorel inkhawmah hian palai 565 an tel a; an thurel zingah, kum 2018 chhungin Aizawl, Lunglei leh Lawngtlai area-ahte HIV/AIDS, human traficking leh ruihhlo chungchangah seminar leh awareness buatsaih a tel. Inkhawmpui thlengtu bial ṭanpuina sum MBKHP aṭangin Rs. 3,00,000 dah leh BKHP member tinin kum tin Rs. 20 zel thawh ṭhin an rêl a; kum 2018-19 budget atan Rs. 10,00,000 an pawm.

Inkhawmpui hian hruaitu thar an thlang a, president-ah F Lalrochami, vice president atan Upa C Remmawii, assistant secretary atan B Singpari, treasurer atan F Zanguri leh finance secretary atan Dr Zoramthangi te an thlang.

Nimina rorel inkhawm laiin pandal-ah vantlang inkhawm buatsaih a ni a; chawhmaah ‘Nu hote leh tunlai khawvel’ tih thupui an zir a, chawhnuah BCM Choir kaihhruaiin Praise & Worship hun hmang.

MBKHP inkhawm­puiah hian nimin chawhn lam thleng khan palai 2,815 an inziak lut tawh a ni.