Khung hrante zawm tur tichhuak

Health & Family Welfare department chuan quarantine chungchangah mipui hriat tur a tichhuak a; Mizorama sorkar/community/hotel/home quarantine-a awm tura tihte chu ni 14 chhung an awm tur a ni a, Health department-in inkaihhruaina a siamte ṭha takin an zâwm tur a nih thu a tarlang.

HFW department tarlan danin, quarantine-a awm turte chu mCOVID-19 leh Aarogya Setu-ah in register vek tur a ni a, ni 14 an awm zawhah quarantine completion certificate pek an ni ang. Chumi hnuah mahni in lamah fimkhur taka awm zuiin, Covid-19 natna anmahniah a lan leh lan loh uluk taka mahni inngaihven (self-monitoring)-in chawlhkar khat tal awm tur a ni.

Covid-19 laka invènna chi hrang hrang - hmai tuam leh social distancing ṭha taka zâwm tur a ni a, kut sil fai fo tur leh hriselna kawngah inuluk tura tih an ni bawk.

Quarantine hun a zawh aṭanga chawlhkar khat chhung chu tuallaiah an léng chhuak tur a ni lo a, inléng an kawm tur a ni lo. Ram lama hna thawka kal chhuah leh thláma ramriah erawh phal a ni thung. Hriselna lama harsatna nei chuan phone number 102 (toll free), 2323336, 2322336, 2318336-ahte hriattir tur a ni.