Birth/death certificate lakna tur

Economics & Statistics Additional Chief Registrar (Births & Deaths) chuan, Mizoram páwna thite death certificate lak chungchangah hriattirna a tichhuak a; birth certi­ficate leh death certificate chu pianna leh thihna hmun aṭang chauha lak tur a nih thu a tarlang.

Additional Chief Registrar chuan, Mizoram mi, state danga thi an awm ṭhin a, state danga thite chu Mizoram aṭangin death certificate pek theih a ni lo tih a tarlang a, "State páwna thihna tâwk an awm chuan an thihna hmun aṭangin death certificate lak nghal nacháng hriat a ṭha," a ti.

Mizorama damdawi-in zawng zawngin birth/death certificate an pek chhuah theih thu leh India ram state dangah chuan hetiang hi a nih vek loh thu te, sorkar dana death certificate pek chhuah­ah chuan Issued under Section 12/17 of the Registration of Births & Deaths Act, 1969 tih a inziah thute a tarlang bawk.