Mizoramah swab sample 2,53,203 endik a ni tawh

Health minister Dr R Lalthangliana kaihhruaiin July 18, Pathianni khan Secretariat conference hall-ah Covid-19 chung­chang sawiho a ni a, Mizoramah swab sample 2,53,203 endik a nih tawh thu tarlan a ni.

Meeting-a tarlan a nih danin, Covid-19 thawh khatna March 2020 - March 2021 chhungin Mizoramah swab sample 2,53,203 endik niin, hripui vei mi 4,476 hmuh chhuah a ni a; a thawh hnihna April 2021 aṭanga July 17, 2021 thlenga sample 3,02,696 endik tawhah hripui vei mi 22,677 hmuh chhuah a ni. Covid-19 thawh khatnaah mi 11 an thi a, a thawh hnihnaah mi 110 an thi tawh thung.

Ṭhutkhawmah hian IPR minister Lalruatkima, Medical Operation Team chairman Dr ZR Thiamsanga, MLA bakah, MLA dang pathum - Vanlalhlana, C Lalmuan­puia leh C Lalsawivunga, Aizawl mayor Lalrinenga Sailo, chief secretary Lalnunmawia Chuaungo, Health department, AMC leh Aizawl City Local Council Association aiawhte an tel a ni.