Covid vaccine dose 7,44,988 pe tawh

Mizoramah July 19, Thawhṭanni thleng khan Covid-19 laka invenna damdawi (vaccine) dose 7,44,988 pek a ni tawh a, vaccine la kim tawh mi 1,38,799 an awm.

Integrated Disease Surveillance Programme (IDSP) tarlan danin, January 16, 2021 aṭanga July 19, Thawhṭanni thlengin Mizoram sorkar hnuaiah vaccine dose 7,42,221 leh mimal damdawi-inah dose 2,767 pek a ni tawh a, a vaiin dose 7,44,988 a ni. Heng aṭang hian dose la kim tawh mi 1,38,799 an awm laiin, dose khatna chiah la la mi 6,06,189 an awm a ni.

Covid-19 vaccine pek tawh hlâwm ṭhen (category) hrang hrang zingah kum 18-44 inkarah dose 3,40,872 pek tawh niin, an tam ber a, dose la kim tawh 110 an awm. Kum 18-44 inkarte hi May 17, 2021-ah vaccine pek ṭan a ni.