NTSE 2020-ah mi pathum tling

National Council of Educational Research and Training (NCERT)-in tun hnaia National Talent Search Examination (NTSE) 2020 result a tihchhuahah Mizoram aṭangin St. Paul's Higher Secondary School zirlai pathum - Lalkhawngaihi, Samuel C Vanlalpeka leh Simon Lalremsiama an tling.

NTSE hi kum tin pawl 10 zirlaite tan buatsaih ṭhin a ni a, NTSE-a tlingte'n thla tin scholarship an hmu ṭhin. Scholarship hi tuna scheme hman laiah chuan science leh social science-a doctoral degree thlenga zir tumte leh professional course (medicine leh engineering) zir zui tumte pek ṭhin a ni.

Scholarship hi ram pumah mi 2,000 hnenah pek ṭhin a ni a, Schedule Caste tan 15%, Schedule Tribe tan 7.5%, Other Backwarded Class tan 27% leh vohbik zirlaite tan 4% hauhsak ṭhin a ni. Higher secondary tan thla tin scholarship Rs. 1,250, graduate leh post graduate tan thla tin Rs. 2,000 leh Ph.D tan kum li chhung UGC norms angin pek ṭhin a ni bawk.