MBKHP Inkhawmpui vawi 50-na a ṭiak

Mizoram Baptist Kohhran Hmeichhe Pawl (MBKHP) Inkhawmpui vawi 50-na, Lunglei Lunglawn Muala February 1, 2018 zana ṭan chu nizan khan a ṭiak. Inkhawmpuiah hian February 2 khan rorel inkhawm neih a ni a, palai riaka kal mi 2,842 an ni a, lehlánga kalte nen mi 3,000 chuang an kal a ni.

MBKHP hian April-December 2017 chhung khan buhfaiṭhàm aṭangin Rs. 4,75,79,157 an hmu a, mission support atan Rs. 26,90,078 an thawk chhuak. Inkhawmpuina atan hian Lunglawn Mualah pandal a dung ft. 180 leh a vâng ft. 150-a zau sak a ni a; inkhawmpui leh hun tur chu kum 2021-ah a ni a, a hmun tur tihfel a la ni lo.