Journalist futsal-ah MJA team-in final an lut
Assam Electronic Media Sports Journalist Association chuan February 1, 2018 aṭang khan DTRP Indoor Stadium, Nehru Stadium, Guwahati-ah 'Gilbertson Sangma and Debasish Rai Trophy - Himalayan States Media Futsal Tournament an buatsaih a; Mizoram Journalist Association (MJA) team-in final an lut.
Tournament-ah hian India hmarchhak state-te leh Himalaya tlangdung state-te aṭangin team an tel a, MJA pawhin sawmna a hmuh angin team a tir ve a ni. State dang - Manipur, Meghalaya, Barak Valley (Assam), Uttarakhand, Sikkim, Himachal Pradesh, Nagaland, Meghalaya leh Arunachal Pradesh aṭang tein journalist team an tel bawk.
MJA team hian group league-ah Arunachal Pradesh team 3-1 leh Nagaland team 1-0 in an hneh a, Assam team nen 1-1 in an inhneh tâwk. Group champion niin, semi final-ah BUKSS (Barak Valley journalist) 3-0 in an hneh a; nimin khan final an khel a, an result kan hre hman lo.
MJA aiawha telte chu - Sangzuala Hmar (NE Now correspondent), H Lalchhandama (Zalen & Zozam Times), Samuel Vanlalrinmawia (Zawlkhawpui & ANI correspondent), C Lalmuanzova (Chhawrpial) leh Hmaa Hauzel (Aizawl Post)-te an ni.