Mayor-in maxi cab stand tur a enfiah

Bawngkawn Brigade Venga Aizawl Municipal Corporation (AMC)-in maxi cab stand a siam mek chu AMC mayor PC Lalhmingthanga'n February 3, Inrinni khan a enfiah.

Mayor hi deputy mayor Lalringliana leh councillor dang C Lalmuanpuia, Lal­hmingmawia, K Romawia leh B Lalawmpuii ten an ṭawiawm.

PC Lalhmingthanga chuan, maxicab stand chu hman a nih hunah maxi cab-te chu khawpui chhunga an din khap a ni dawn tih sawiin, chu chuan khawpui chhung lirthei tâwt lutuk a tihziaawm beisei a nih thu a sawi.

Maxi cab dinna tur bik chu zawhfel thawhkhat ni tawh mah se, vantlang inthiarna siam hmabak a la nih thu a sawi a; city bus stand tur pawh Zemabawkah ruahman a nih thu a sawi bawk.

Maxi cab stand siam nan hian AMC chuan Rs. 21,00,000 a ruahman a; stand tur chin chu metre 292 niin, maxi cab 135 din theihna tur a ni.