Lungsen Group YMA-in hnathawh enfiah

Lungsen Group YMA chuan February 3, Inrinni khan Lunglei-Tlabung kawng, national highway no. 302 siam hna thawh mek an tlawh a, hna thawktu ABCI-te chu chak zawka hna thawh dan tur an sawipui.

Lungsen Group YMA chuan, kawng siam hna chu chak viau mah se, hna thawh dan leh an lung hmante a ṭhat tâwk loh thu an sawi a; ABCI hotute chuan, ṭha leh chak taka thawh an tum thu leh, PWD lamin thawh dan tura an sawi anga an thawh thu an lo hrilh thung.

Tuichawng lei thawm ṭhat mek pawh Lungsen GroupYMA hruaitute chuan an tlawh a; hna thawh mek chuan duhthu a sam loh thu sawiin, "Thing an hman hi thing chhia leh duap vek a ni a, fûr khat pawh a daih lo ang," an ti a; an thing hman thlak turin contractor an ngen a ni.