MNF-in Serchhipah kawng an zawh

MNF party, Serchhip East Block chuan Serchhipah gas a harsat vanga lungawi loh entir nan February 2, Inrinni khan kawng an zawh a, Aizawl aṭangin MNF ṭhalaite president Lalrinawma leh hruaitu dangte'n an telpui.

MNYF President chuan, Serchhipah gas consumer-te'n gas man pangngai bakah Rs. 20 an chawi belh ṭhin nia sawiin, "Hei hi an chawi loh tawp tur a ni a, gas phurh dan chiangkuan loh vanga mipuite phurrit a ni," a ti.

Lalrinawma chuan, Serchhipa gas harsat chhan nia lang chu, carrying contractor-in a chháng hniam a, a chhan tlàwm angin a phur leh thei si lo tih a sawi a, "Hei hi sorkarin tender ennawna re-tender thuai a nih theih nana hma la turin kan phût a, a phur theitu tur dang zawn a nih theih nana hma la sorkar kan ngen a ni," a ti a; Mizoram sorkar chu a nuam lai chauha mawhphurhna la lo a, a harsa laiah pawh mawh phur ngam turin an phût tih a sawi.

Serchhip AOC aṭanga Bazar thleng kawng an zawh a ni.