NEWS TAWI

IPR department chuan, an department official twitter ni àwm taka fiamthu leh thu dukdak lo social media-a thehdarh an awm leh a nih chuan dan anga hmalak a nih tur thu an tarlang. Facebook, Whatsapp leh social media danga DIPR tih inchhála thu dik lo post leh thehdarh ṭhin an awm tih hriat a nih thu sawiin, chutiang lakah chuan a ṭul anga hmalak zui a nih tur thu an tarlang bawk. IPR department tih ni si lo, DIPR tih anga thu thehdarh tawh lo turin mi tin an chah a ni.

Zo Reunification Organisation (ZORO) Gen. Hqrs chuan thuchhuah siamin, India ram hmun hrang hrang aṭanga Mizoram lo haw Mizote chu thlamuang taka awm turin duhsakna an hlân a, "Mangan leh harsat hun­ah hawna tur ram kan nei a lawmawm a, kan ram, kan ta, tu'ma chhuhsak theih loh kan nei a ni tih hriain i thlamuang ang u. Thlamuanpui tur ram kan neih avangin Pathian hnenah lawmthu i sawi ṭheuh ang u," an ti.

Champhai MZP chuan nimin khan HSLC Examination 2020-a ti ṭhate chawimawina hun Champhai College seminar hall-ah an buatsaih a, BDO R Lalnunkimi'n a hmanpui. 

Champhai MZP hian an huam chhunga HSLC exam-a Mizoram puma 10-na Manngaihsangi, distinction-a pass mi 38 leh zirlai pass vekna sikul pasarih chawimawina an hlân.