Kolkata-ah Mizo kut aṭangin Rangkachak man a ni
Directorate of Revenue Intelligence (DRI), Kolkata chuan tun hnai khan Lalhmangaiha, Tuirial hnen aṭangin rangkachak tlang 40, cheng nuai 216 hû an man.
Kolkata chanchinbute tarlan danin, DRI-te hian Burrabazar, Kolkata an dapnaah Lalhmangaiha ipah rangkachak tlang 40 an man a, a vaiin kg. 6.64 a ni. Lalhmangaiha hi rangkachak tawlh lamah a vawi khat inhnamhnawihna a ni lo tih hriat chhuah a ni.
Aizawla DRI-te chuan Vanglaini palai zawhna chhangin, Lalhmangaiha man a nih chungchang hi an hriat thui lutuk loh thu an sawi a, "Kolkata chanchinbute tarlan hi thu dik a ni ngei chuan kan hria," an ti.