Reiek tlang haltua puhte man an ni

February 4, Pathianni tlai dar 5 vel khan Reiek tlang bulṭhut, kawngpui chung a kâng a; a tikângtu nia hriat mi pathum chu Reiek khawtlangin manin, Pathianni zan khan Kulikawn Police Station-ah an hlan.

Thu dawn danin, Reiek tlang hâltua puhte hi - Lalrinmuana s/o C Vanlaltlan­chhuaha, Lalremruata s/o Thankima leh Lalnunthara s/o Lalsiamliana, Khawrihnîm khua vek an ni a; Reiek khaw­tlang hruaitute'n Kulikawn PS-a an hlan hnuah, Kulikawn PS chuan West Phaileng PS-ah an hlân chhâwng leh a ni.

Reiek NGO Joint meeting chuan, khualzinte'n an tlawh ṭhin Reiek tlang hâl a ni chu pawi an tih thu sawiin, hun la kal zel turah Reiek tlang leh a chhehvelte a him a, mi dangte an fimkhur zawk theih nan tlang hâltute chu na tak a hrem ni se an duh thu an tarlang.