MZP-in Mizote hmalakna thlàwp

MZP chuan thu­chhuah siamin, January 16, 2020-a sorkar laipui, Mizoram sorkar, Tripura sorkar leh Bru pawlte inremna ngai pawimawh loa Tripura sorkarin Mizote chenna Zampui leh a chhehvela Bru raltlante chenna turin ruahmanna a siam chu hriatthiam har an tih thu an tarlang a; Tripura-a Mizote chenna ram humhim a nih zel theihna tura Tripura-a Mizo Convention hmalakna an thlàwp thu an puang.

MZP chuan, Mizoram aṭanga tlan chhuak Bru-te hmun pathum - CCRF, Behliangchhip Mauza leh Paschim Hmunpui Mauza-ahte Tripura sorkarin dah a tum chu ṭha lo an tih thu sawiin, "Ram luahtu hmasa Mizote ráwn lo leh a tìr aṭanga thu dik hrilh an ni ngai lo hi ná kan tihpui. Hun lo kal zel turah boruak ṭha a awm zel theih nan fimkhur taka ruahmanna siam turin thuneitute kan ngen 

a ni," an ti.