Kohhran hruaitute leh CYMA-in Ruihhlo chungchang an sawiho

Mizoram Kohhran Hruaitute Committee (MKHC) leh Central YMA hruaitute chuan, nimin khan Synod Office-a Committee Room-ah ruihhlo chungchanga inràwnkhawmna an nei a; ruihhloin Mizoram a tihchhiat zel loh nan uar zawka ṭawngṭaina hmanga ṭan lak an rêl.

Inràwnkhawmna hi MKHC chairman Rev. F Lal­­rin­nunga, Synod moderator-in a kaihruai a, MKHC leh CYMA office bearer-te an tel. "Ruihhloin kan ram a tihchhiat zel loh nan uar zawka ṭawngṭaina hmanga ṭan lak thar ni se," an tih bakah, ruihhlo dona kawnga ṭanho dan tur kawng hrang hrang an sawiho a ni.

Ruihhlo zuarte man an niha an táng rei thei lo ṭhin chungchang te, ruihhlo chungchangah awareness zau zawka kalpui dan tur te, ruihhlo ngaite leh zuarte dahna tur home chung­changte an sawiho a; ruihhlo chungchangah hian judiciary chak zawka a kal theih dan tur an sawiho bakah, sawiho leh turin thu an dah a ni.