KHAWTHLIR

Immigration post
Lawngtlai SP Lalsanglura chuan, Lawngtlai district chhim tàwp, Myanmar ramria Zorinpui land checkpost chu February 2, 2018 khan authorized immigration checkpost-ah leh ram dang mite luh leh chhuahká - Entry & Exit (Arrival & Departure)-ah a puang. Hemi chungchanga hriattirna hi Foreigners Order 1948, Section 3(1)(a) leh 5(1)(a) tlawhchhana tihchhuah a ni.

Thisen pe
Administrative Training Institute (ATI) chuan Lungleia Induction Training Programme an buatsaih mekah nimin khan awareness on blood/organ donation hun an hmang a, Lunglei Civil Hospital-ah thisen an pe. ITP training-ah hian Lungleia sorkar department 25 aṭangin mi 39 an tel a, chu'ng zinga mipa leh hmeichhia pathum ve vein thisen unit 6 an pe a ni.

Fire Prevention Week
Lawngtlai District Level Committee on Fire Prevention (DLCFP) chu nimin khan DC conference hall-ah an ṭhu a; kumina Fire Prevention Week hawnna chu February 12, 2018-ah DC Conference Hall-a hman an rêl. Meeting chuan, State Level Fire Prevention Committee-in lo hâl hun hnuhnung a ruat, March 15, 2018 chu zawm ve turin LADC thuneitute ngen leh kângmei ven chungchanga mipui zirtirna a tam thei ang bera puangzar turin zirna-in, V/C, tlawmngai pawl leh media-te ngen an rêl a ni.

Zanriah siam sak
Aizawla awm 46th. Assam Rifle chuan nimin khan World Cancer Day pualin Mizoram State Cancer Institute-a damlo awmte leh anmahni awmpuitute zanriah an buatsaihsak.

Hnathawh ennawn
Champhai District Swachh Bharat Mission (Gramin) Committee chu nimin khan Champhai DC Vanlalngaihsaka hoin DC conference hall-ah an ṭhukhawm a, Swachh Bharat Mission (Gramin) hnathawh leh hmasawnna hrang hrangte bakah sum dinhmunte an ennawn.