Ṭhuampui-Sertlangpui kawng sawiho

Lunglei West bialtu MLA Chalrosanga Ralte chuan nimin khan a bial chhunga Ṭhuampui-Sertlangpui inkar kawng siam mek sawihona, Lungdai South YMA Hall-a neih a hmanpui. Kawng hi NABARD sum cheng vbc. 40 chuang senga siam tur a ni.

Chalrosanga Ralte chuan, kawng siamtute chu theihtawp chhuah a, mittlung taka hma laa hna thawk turin a ngen a; tlangdung mipuite chu hna thawktute zai ngai thiama harsatna thlensak lo tura a ngen rualin, duhkhawp loh emaw, hna ṭha tawk lo emaw an hmuh chuan thuneitu, PWD-te hnen thlen turin a chah a ni.

Meeting-ah hian Sertlangpui Group YMA hruaitu te, PWD SDO leh kawng siamtu Sat Guru company hotu an tel a; Sad Guru project director Deepak Sharma chuan, ṭan an lak thu a sawi rualin, tui leh lung lamah harsatna an tâwk tih a sawi.