College ram humhalh zel tum

J Thankima College Stu­dents' Action Com­mit­tee (SAC) chuan thu­chhuah siamin, Bawng­kawn Brigade rama an college hmun humhalh turin a tawp thlenga hma lak an tum thu an tarlang.

J Thankima College SAC tarlan danin, ram­buai hma zawng khan tuna Bawngkawn Brigade ram hi sorkar ram - Community Develop­ment Project ram a ni. Ram a buai takah khan sipaiin an luah a, sipaiin an luah lai hian mi pamham ṭhenkhatten dan kalhin pass lem an siam a, sipaiin an chhauhsan hnuah mi pamham ṭhen­khat chuan ram hi an rawn chuh hlawm a ni.

Ram ṭhenkhat chu Mizoram sorkar chuan J. Thankima College hnenah kum 2013 khan land lease DLL No. 01/1022/01/07/44 of 2013 a pe a ni. An college land lease chhungaah B Lalhmangaihi, Dingdi Veng chuan dan loin in a sa a ni. Sub-Deputy Commissioner & Zonal Magistrate B Lalhmangihi in luahtu Ramfangzauvi chu koin March 2016 chhunga insenghawia, anmahni pawh chhuak fel turin a intiam tir a ni.

Magistrate hmaa an intiamkamna pawh zah loa, an chhuahsan duh loh avang leh college hmasawnna kal zel tur tih ṭhuana mahni ngei chhuak tura an intiamna chu an bawhchhiat avangin sorkar leh dan duh dana kan rin angin February 3, 2018 khan in hi ṭhiah an tum thu tarlangin J Thankima College SAC chuan, "Police lam min ngenna zahin kan ṭhiat ta lo mai a ni. February 4, 2018 khan Aizawl DC te nen inbiakna boruak tha tak kan nei a, he kan inbiakna thu kal zel hi nghah tha kan ti a, a tul ang zelin a a tawp thlenga hmalak kan tum tlat a ni," an ti.