COVID-19 vangin ṭhulh

Khawvel hmun hrang hranga Novel Coronavirus Disease (COVID-19) lêng mek vanga sorkarin ngenna a siam angin, kohhran, political party leh pawl ṭhenkhatte chuan an hun hman tur an ṭhulh.

Zoram Peoples Movement (ZPM) chuan March thla chhunga Champhai, Mamit, Khawzawl leh Saitual district a campaign neih an tum chu Mizoram sorkarin COVID-19 laka Mizoram venhimna atan puipunna lam chi pumpelh tura sorkar, NGO leh kohhrante a ngen angin an ṭhulh tih an puang. Rorel lai MNF party pawhin an programme-te an ṭhulh rih bawk.

COVID-19 vanga Central YMA-in puipunna lam chi huaihawt lo tura thuchhuah a siam angin YMA branch leh group hrang hrangte chuan mipui pun khawmna tur programme an duante an ṭhulh rih hlawm a; kohhran ṭhenkhat pawhin inkhawm pangngai bak chu programme dang siam rih lo turin an inngen hlawm a ni.