Chakma Village Council inthlanah

March 13, 2020-a Chakma Autonomous District Council (CADC) village council inthlanah MNF chuan seat 516 awmah seat 372 an la a, seat an la hnem ber.

CADC-ah VC 88 a awm a, chu'ng zinga VC paruk - Dursora, Chhotaguisury-I, Chhotaguisury-II, Gera­sury, Ludisora leh Silbanga-ahte chuan chuhtu awm loin MNF candidate-te tlinga puan an ni. Hei vang hian March 13-a inthlanah CADC-a VC 82-ah vote thlak a ni.

Village council 88-ah hian a duh apiangin an chuh theih general seat 428 leh hmeichhe tana hauh reserved seat 88, a vaiin seat 516 a awm. Inthlan chuhtu candidate zawng zawng chu mi 972 an ni a, vote nei mi 32,213 an awm.

MNF chuan VC 88-a seat awm zawng zawng 516-ah seat 372 lain, khaw 65-ah hnehna an chang a, BJP-in seat 115 lain, khaw 16-ah an chak. Independent candidate-te'n seat 27 lain, khaw pathumah an chak a, Indian National Congress (INC)-in seat pahnih lain, chak berna khua an nei lo. Khaw paliah chuan party chak bik an awm lo thung.