Faina lamah Aizawl district a tlahniam

Aizawl District Swachh Bharat Mission (Gramin) Committee leh District Water & Sani­tation Committee chu nimin khan Aizawl DC Dr A Muthamma hoin DC conference hall-ah an ṭhu­-khawm. He hunah hian, faina lama district-a khai­khinnaah Aizawl district a tlakhniam thu an tarlang.

Aizawl DC chuan, faina lama ram chhunga dis­trict hrang hrang khai­khinna, Swachhata Dar­pan District Ranking Phase-II-ah Aizawlin dinhmun pakhatna a hauh char char hnuah tun hnaiah a tlakhniam tak thu a sawi a, "Pakhatna dinhmun hauh leh vat turin mawhphurtute;n ṭan an lak a ngai. Swachh Bharat Kosh hnuaiah sikul leh anganwadi inthiarna siamṭhat leh cheibawl ngaite ngaih pawimawh hmasak ni se," a ti.

Meeting-a tarlan danin, kum 2017-18 chhungin Aizawl district-ah SBM(G) hmalaknain bawlhlawh sawngbawlna (SLWM) khaw 20-ah siam a ni a, vantlang inthiarna (CSC) 21 siam mek a ni. Vantlang bawlhhlawh paihna 1,600 a thlawna sem a nih tawh a, Swachh Bharat Kosh sum hmangin khaw 95-ah ek-in 3,205 thawm ṭhat mek a ni bawk.