Damdawi-in fai lawmman lawm dawn

Lawngtlai District Hospital chuan damdawi-in fai inelna, Kayakalp Award 2017-a pahnihna leh hmasawn ber lawmman an dawn chu February 6, Thawhlehni khan damdawi-in tualah an lâwm a, Lawngtlai East bialtu MLA H Zothangliana'n a hmanpui.

H Zothangliana chuan, Lawngtlai District Hos­pital-in state pum inelnaa dinhmun sang tak a luah thei chu lawmawm a tih thu sawiin, "Tih tak zeta beih chuan thil theih loh a awm lo. A bul ṭan turte'n bul an ṭan tawh chuan, mipui lam aṭanga thlawpna leh thawhhona ṭha a awm a pawimawh a ni," a ti a; district hospital hlawhtlinna chu kawng dangah pawh district mipuite tana entawn tur ṭha tak ni zel se a duh thu a sawi.

Inkhawmah hian medi­cal superinten­dent Dr Lalmalsawmi Hmar-in Kalyakalp Award chung­chang a sawifiah a; LADC chief executive member T Zakunga pawhin thu a sawi.

Central YLA, MJA Lawng­tlai District leh Chris­tian Hospital, Lawng­tlai ten Lawngtlai District Hospital hnenah lawmpuina an hlan a; damdawi-ina thawktute chuan khawlaia hûn tur bawlhhlawh báwm an lei chu Lawngtlai khawpui chhung YLA branch hrang hrang 12 hnenah an sem nghal a ni.