Tlabungah Border Area Programme

Ministry of Culture hnuaia North East Zone Cultural Centre (NEZCC), Dimapur leh Mizoram sorkara Art & Culture department chuan nimin khan Tlabunga Thangliana Mualah Border Area Programme an buatsaih ṭan.

Hnam lâm entirna Border Area Programme hi Tlabung Branch YMA president Zokunga Sailo-in a kaihruai a; programme coordinator F Lalthanmawia chuan, Mizoramah vawi thum buatsaihna a nih thu sawiin, India ram chhung, a bikin ramri hrula cheng hnam hrang hrangte inpumkhat lehzualna tura buatsaih a nih thu a sawi.

Tlabung SDPO K Beihmotaosa pawhin, Border Area Programme neihna hmun atana Tlabung thlan a ni chu lawmawm a tih thu sawiin, Tlabung leh a chhehvela hnam hrang hrangte inpumkhatna thlentu a nih a beisei thu a sawi a; mahni hnam lâm entir tura kalkhawmte chu inlungrualna leh inpumkhatna vawnghimtu nih tum ṭheuh turin a chah.

Border Area Programme-ah hian Mizoram bakah, Maharashtra, Madhya Pradesh, Jharkhand, Assam leh Me­ghalaya aiawhte'n an hnam làm ṭheuh an entir a; vawiinah Tlabung Zodin field-ah chhunzawm a ni ang.