Myanmar ramri hrûla awmte fimkhur turin MLA-in a chah

Lawngtlai East bial­tu MLA H Biakzaua chuan March 13, Zirtawpni khan Sangau RD Block chhunga Lungzarhṭum leh Tlangpui khuate a tlawh a; a bial chhung mipui, Myanmar ramri hrûla awmte chu CO­VID-19 darh zel laka fimkhur turin a chah.

Coronavirus chung­changah thawhho ṭhat a pawimawh thu sawiin Biakzaua chuan, "Indo-Myanmar border-a awm kan nih avangin sorkar thuneitute leh medical team-te thuràwn ang zela NGO leh khawtlang hruaitute'n lo thawhpui a, an thu in zawm zel a ṭul," a ti.

H Biakzaua chuan, "Sorkar bêl thiam leh thawhpui thiam apiangin khawtlang tan hmasawnna hmuh tur thil ṭha an nei tam ṭhin," a ti a, sorkar thawhpui thiam turin mipui a sáwm. Sangau RD Block chhunga Myanmar kawtkai pahnih - Saisih­chhuah leh Archhuang kaite chu Caronavirus darh zel laka Mizoram invenhimna atan Lawngtlai DC thupek angin inkal pawh theih loha dan pin a ni.