Tahan-ah ṭanpuina hlan a ni

Zofa Global Network (ZGN) chuan Tahan, Kalemyo leh a chhehvela Mizo awmte tan Covid-19 kaihhnawihah ṭanpuina sum leh oxygen concentrator eng emaw zat an pe a, nimin khan an hlan.

ZGN hian Kalaymyo Covid Care Centre hnenah kyat 6,00,000, Tahan Mizo Ṭhalai Pawl leh Zawlbuk hnenah kyat 5,00,000 ve ve leh ruang buaipuitu volunteer-te hnenah kyat 4,00,000 an pe a; pawl pali hnenah oxygen concentrator an pe bawk. Ṭanpuina sumte chu ZGN hruaitute thawh khawm a ni a, an adviser Robert Romawia Royte, minister of state-in Rs. 5,00,000 leh oxygen concentrator pali a thawh a ni.