Police pawhpên tihtawp ngen

Central YMA chuan thuchhuah siamin, ramri buai avangin police-te an indaih lo nasa hle tih an tarlang a, police-te pawhpèn leh mimalin an kawlte titawp turin sorkar an ngen.

Ramri buai mek venghim tura hmun rálṭía hreawm zawka awm mek Mizoram police-te chungah an lawm thu sawiin CYMA chuan, "Huaisen taka a ṭul ang zela harsatna hmachhawn thei turin kan ngen a ni. Ramri buai avanga police-te indaih lohna nasa tak awm mek phuhrûk nan, sipai pawhpèn leh mimalin an kawl mekte an hna tur dik tak, an duty thawhtir turin sorkar kan ngen a ni," an ti.

CYMA chuan, Mizoram leh Assam ramri buaina avanga hmalakna hrang hrang kalpui mekah leh total lockdown kalpui meka YMA sub-headquarters, group leh branch-te chunga an lawm thu an tarlang bawk a; mahni huam chhungah chhuanchham an awm loh nan hma la ṭheuh turin YMA-te an ngen a ni.