State Board for Wildlife ṭhukhawm

Mizoram State Board for Wildlife chu March 13, Zirtawpni khan a vawi 8 nan an chairman Zoramthanga, chief minister hoin Chief Minister's Office conference hall-ah an ṭhukhawm.

Chief Minister chuan, "Inthemthiamna atana silai hmanga nungchate kâp an awm ṭhin, a pawi hle. Hemi kawngah hian mipui kan harh chhuah a ṭul tawh a ni," a ti a, inzirtirna neih ṭhat a pawimawh thu a sawi.

Ṭhutkhawmah hian PHE department-in Aizawla Alternate Gravity Water Supply Scheme atana tuikhuah awmna tur chu forest reserve area chhunga awm anga a lan avangin clearance dil a nih dan sawiho a ni a; tuikhuah awmna tur hi Hualtu khaw daia Dilzawl hmun, Ṭawi Forest Reserve hnuaia awm a ni.

Dampa Tiger Reserve-a India leh Bangladesh ramri hung leh ramri vengtute kalkawng siam vanga saving amount tlingkhawm ṭangkai taka hman chung­chang te, Thorang Wildlife Sanctuary chhunga Bharti Airtel-in communication tower dah tura rawtna an siamte leh a dangte an ngaihtuah a; tower dah chung­changah chipchiar zawka zir chian leh phawt ni se, an ti.