Idd-Uz-Zuha hmang thei lo

Nimin, July 21 kha Islam sakhaw zuitute ni pawimawh Idd-Uz-Zuha a ni a, kuminah chuan Covid-19 leng leh total lockdown avangin a huhoa hman a ni lo.

Aizawl Mosque Committee leh Mizoram Muslim Welfare Society-te chuan Islam sakhaw zuitute chu mahni inah Idd-Uz-Zuha puala ṭawngṭai turin an chah a ni.

Aizawl Mosque Committee chuan thuchhuah siamin, hripui léng avanga harsatna karah Muslim mi leh sa Mizorama awm, anmahni leh chhungte intunnunna tur hna an lo siamsak ṭhin avangin Mizoram sorkar leh mipui chungah an lawm thu an tarlang.

Hripui léng avanga harsatna sukiang tura Mizoram sorkar, district, local/village task force-te hmalak dan chu lawmawm an tih thu Aizawl Mosque Committee chuan an tarlang a; Mizorama Muslim-te chu anmahni awmna ṭheuhah a remchan anga Covid-19 vaccine la vek tur leh hripui laka himna tura thuneitute'n tih tura an tihte ṭha taka zâwm turin an chah bawk.