KHAWTHLIR

Lungleiah seminar
Nimin khan Lunglei College-ah 'Socio Economic and Political Developments in Mizoram After The Peace Accord, 1986: Issues and Challenges' tih thupui hmangin national level seminar buatsaih a ni a, Lunglei College-a associate professor Dr H Lalnunmawii'n a kaihruai a; principal Lalhmangaihi Hrahsel ­chuan, seminar hian rah ṭha a chhuah ngei a beisei thu a sawi. Seminar hi chhawng thumah ṭhen a ni a, mithiamte'n thupui hrang hrang hmanga paper an buatsaihte sawiho a ni.

Sangha chi thar dan zirtir
Fisheries department chuan, nimin khan Serchhip IPR conference hall-ah sangha dil nei, a chi siam chhuak thei tura beiseite tan sangha chi thar chhuah dan zirna an buatsaih a, mithiamte'n thil pawimawh hrang hrang an zirtir.

Kal khap
Traffic SP C Lalthanmawia chuan thupek chhuahin, nimin aṭang khan zing dar 9 aṭanga tlai dar 5 inkarah, Ramrikawn aṭanga NH-54 thleng kawng siamṭhat hna thawh ṭhin a nih dawn avangin, hna thawh hun chhungin he kawngah hian lirthei leh mihring kal khap a nih thu a puang.

Hruaitu dinhmun Zirho a ni
Central YMA leh Nehru Yuva Kendra Sangathan (NYKS), Aizawl chuan nimin khan Central YMA Hall-ah hruaitu dinhmun, mawhphurna leh khaw­tlang hmasawnna chung­chang inzirtirna leh inràwnkhawmna an buatsaih a, Aizawl khawpuia YMA branch office bearer-te an tel. CYMA vice president R Lalngheta buatsaih 'Hruaitu mawhphurna - Pawl leh khawtlangah' tih zirho a ni.