MZP-in Bairabi-a an ram chhinchhiah

MZP general head­quarters hruaitute chuan an president L Ram­dinliana Renthlei hoin February 7, Nilaini khan Bairabi khuaa Ch. Chhunga (L), chief minis­ter hlui huan/leileta a nupui Lalrothangi, Saron Vengin Zofate Chawlbûk sakna tur ram a pêk chu an enfiah a, a chhinchhiahna atan banner an tár nghal.

MZP chuan, Nilaini zan vek khan Bairabi-a Zofate Chawlhbuk sak an tum chungchangah Bairabi-a tlawmngai pawl hrang hrang hruaitute nen joint meeting an nei tih an tarlang. Joint meeting hi MZP President-in a kaihruai a, Bairabi-a V/C te, YMA, MUP leh MHIP hruaitute an tel a ni.

Joint meeting chuan thu dah an nei a, 'MZP-in Pu Ch. Chhunga (L) huan/leilet hmuna Zofate Chawlhbuk an sak tur hi ṭha kan ti a, MZP-in Zofate Chawlhbuk an sak tur hian Assam state leh Mizoram state ramri buainaah hian Mizoram sorkar au êi ngei se kan ti,' an ti.

MZP chuan, Lalro­thangi, Saron Vengin ram a pekah hian remchang hmasa berah Zofate Chawlhbuk sak an tum thu an tarlang a ni.