Laparoscopy kháwl hlan
Minister of state K Lalrinliana chuan a MLA fund Rs. 5,00,000 hmanga lei laparoscopy machine (kawchhung zaina khawl) chu March 14, Inrinni khan Kolasib District Hospital hnenah a hlân a; kal (kidney) leh chaw kawng zai hawn ngai loa kháwl hmanga verha zai theihna ngaihtuah leh a nih tur thu a sawi.
K Lalrinliana chuan, Kolasib District Hospital-a ICU building tur sak mek a tlawh nghal a, "Sak zawh a nih hunah Kolasib damdawi-inah ICU a awm theih nan a rang thei ang bera hmalak a ni ang," a ti. Nurse indaih lohna avangin MLA fund aṭangin nurse pahnih rawih mek a nih thu leh, ICU-a mi tur sorkarin nurse a pe thei lo a nih pawhin a ṭul chuan MLA fund aṭangin ngaihtuah a nih tur thu a sawi bawk.