Ramri depa venhimna hmun enfiah

Novel Coronavirus Disease (COVID-19) laka invènna atana Champhai district-a Myanmar ramria hmalakna hrang hrangte chu March 14, Inrinni khan sorkar hotu te, police, YMA hruaitute leh chanchinbumite'n 

an enfiah.

Champhai district-ah hian COVID-19 laka invenna atan ramri dep hmun 13-ah duty dah a ni a; chu'ngte chu - Zokhawthara medical screening bakah, Bulfekzáwl, Champhai Zotlang, Tlangsam, Zote, Ngúr, Hnahlan leh Farkawn tlangdung­ahte duty post hrang hrang siam a ni. Duty post-ahte hian police leh tlawmngai pawlte an duty a ni.

Hmalakna thlirho a nih hnuah Champhai district-a COVID-19 vanga hmalakna tichak tur­in police leh Health department lama thawktu leh hmanrua dah belh a, sum leh pai pek chhuah thuai a ṭul thu tarlan a ni. Champhai aṭanga kal sorkar hotute chu duty-na hmuna khawtlang hruaitute nen kal zel dan tur an sawiho. An tarlan danin, March 14, 2020 thlenga Zokhawthara ramri kântu enfiah tawh zat chu mi 1,000 an ni a; February thlaah mi 302, March thlaah ni 14 thlengin mi 698 enfiah an ni. Enfiah tawh zingah CO­VID-19 vei rinhlelh an la awm lo.