Bawrhsapin Chuhvel a tlawh

Mamit bawrhsap Dr Lalrozama chuan nimin khan Chuhvel khaw dáia Mizo IR police-te awmna camp leh kawngpui laih mekte a tlawh.

Sorkar thuchhuak tarlan danin, IR police-te awmna pawh tura kawng thar laih hi IR awmna camp thar, Bilpadawp tlang laih thlen a ni tawh a; kawng laihnaah hian JCB pahnih leh Hitachi pakhat an awm sa bakah, nimin khan Mizoram Earthmovers Owners Union-te'n a thlawna an thawh JCB pahnihin an awm chilh ve nghal. Mamawh dan azirin JCB tirh belh tum a ni bawk.

Mamit DC hi Kawrthah SDO(C) Andy Lalfakzuala Varte, Kawrthah SDPO Lalthanfala, 4th IR adjutant Kiran Kumar, Chuhvel khawtlang hruaitute leh ram neitute'n an ṭawiawm a ni.