COVID-19: Mizoram dinhmun : Hripui vei 625 hmuh belh a ni

July 21, Nilaini khan Mizoramah Covid-19 vei mi 625 hmuh chhuah a ni a; nimin khan tlai dar 5 thlengin hripui laka fihlim tawh mi 154 chhuahtir an nih laiin, hripui vangin mi pathum an thi.

Covid-19 vei hmuh tharte chu mipa 301 leh hmeichhia 324 niin, Aizawla veng 44 leh khaw dang 32-a mite an ni a; ZMC laboratory-a hmuh chhuah mi 90, TrueNAT hmanga hmuh mi 61 leh RAT hmanga hmuh mi 474 an ni. Result-ah hian swab sample endik rûnpuia hmuh chhuahte an la tel lo nia thu dawn a ni.

Tun July thlaah ni 21 chhungin Covid-19 vei mi 9,153 hmuh a ni tawh a, chawhrualin ni tin mi 435 chuang hret (435.86) hmuh chhuah an awm ang a ni. Nimin zinga positive result tihchhuah hnuah enkawl mek mi 7,196 an awm a, active case a tam lai ber a ni.

IDSP record angin, Mizoramah Covid-19 vei mi 29,645 hmuh chhuah a ni tawh a, mipa 16,193 leh hmeichhia 13,452 an ni. Nimin tlai dar 5 thleng khan mi 22,476 (75.82%) chhuahtir an ni tawh a, mi 130 (0.44%) thi tawhin, enkawl mek mi 7,039 (23.74%) an awm.

July 21, Nilainia swab sample endik dan chu - ZMC-ah 1,543, TrueNAT hmangin district pakuaah 434 leh RAT hmangin district 10-ah 2,401 a ni a, a vaiin sample 4,378 (mipa 2,360, hmeichhia 2,018) niin, chu'ng aṭanga hripui vei hmuh chhuah 625 chu 14.27% a tling. Positive percentage hi ZMC-ah 5.83%, TrueNAT-ah 14.05% leh RAT-ah 19.74% a ni.

Nilainia district-a Covid-19 positive hmuh dan chu - Aizawl district-ah mi 346, Lunglei district-ah 136, Mamit district-ah 33, Lawngtlai district-ah 32, Siaha district-ah 31, Kolasib district-ah 22, Champhai district-ah 18 leh Serchhip district-ah pasarih an ni. Hripui vei hmuh thar mi 625-te chu natna lang chhuak 281 leh lang lo 344 an ni a; tualchhunga kái mi 615 leh state pawn aṭanga tun hnaia rawn lut mi 10 niin, tualchhunga kai zingah kàina chin hriat loh mi 228 an awm.

Mi 625 zingah naupang kum tling lo 200 vel telin, an zinga 70 velin symptom an nei a; nausén kum khat tling lo pariat an awm. Kum 60 chung lam mi 40 chuang awmin, mi 15 velin symptom an nei a, a upa ber chu kum 97 mi a ni. Nimin khan tlai dar 5 thlengin hripui laka fihlim tawh mi 154 chhuahtir an ni a; Aizawl district aṭangin mi 70, Mamit district aṭangin 47, Kolasib district aṭangin 13, Siaha district aṭangin 11, Lunglei district aṭangin pariat, Serchhip district aṭangin pali leh Hnahthial district aṭangin mi pakhat an chhuak a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 8,258 hmuh chhuah a ni tawh a, TrueNAT-PCR hmangin 1,888, RAT hmangin 19,498 leh Guwahati-ah pakhat hmuh chhuah a ni tawh. IDSP tarlan danin, July 21, 2021 thlengin Mizoramah swab sample 5,73,582 endik a ni tawh a, chu'ng aṭanga Covid-19 positive hmuh tawh zat 29,645 chu 5.17% a ni. Hripui vei hmuh tawh zinga mi 25,485 chu Mizoram chhunga kái chhâwng an ni a, mi 4,160 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH CHHUAH THARTE
AIZAWL DISTRICT
Aizawl Venglai 10
Armed Veng 3
Armed Veng South 4
Bawngkawn 20
Bawngkawn South 5
Bethlehem Veng 20
Bethlehem Vengthlang 8
Bungkawn Vengthar 18
Central Jail Veng 1
Chaltlang 1
Chaltlang (Guest House) 3
Chanmari 1
Chanmari West 28
Chawnpui 1
Chhinga Veng 6
College Veng 6
Dawrpui Vengthar 1
Dinthar Veng 4
Electric Veng 15
Falkland Veng 10
Hunthar Veng 2
ITI Veng 6
Kanan Veng 1
Khatla 15
Kulikawn 1
Maubawk 5
Phunchawng 3
Ramhlun North 5
Ramhlun South 9
Ramhlun Venglai 19
Ramthar Veng 3
Republic Veng 1
Republic Vengthlang 4
Saikhamakawn 4
Saron Veng 2
Thakthing Veng 2
Tuikhuahtlang 2
Tuikual North 3
Tuikual South 21
Ṭhuampui 5
Vaivakawn 3
Venghlui 5
Zemabawk 6
Zemabawk North 5
Zuangtui 22
Muthi 7
Seling 6
Sairang 7
Sairang Dinthar 1
Sihphir 2
Tuikhurhlu 1

LUNGLEI DISTRICT
Lunglei Bazar Veng 3
Lunglei Chanmari 11
Lunglei College Veng 1
Lunglei Electric Veng 19
Lunglei Lunglawn 1
Lunglei Ramthar Veng 14
Lunglei Rahsi Veng 7
Lunglei Venglai 5
Lunglei Zotlang 2
Lunglei Zotlang (BSF) 4
Dâwn 2
Kawrpuichhuah 67

SIAHA DISTRICT
Siaha College Vaih-I 1
Siaha New Colony-I 6
Siaha Vaihpi-I 3
Siaha Vaihpi-II 17
Meisavaih 4

CHAMPHAI DISTRICT
Hnahlan 5
Ruantlang 8
Zokhawthar 5

KOLASIB DISTRICT
Kolasib Banglakawn 2
Kolasib Project Veng 1
Kolasib Vengthar 8
Bairabi 3
North Chawnpui 1
Thingdawl 1
Vairengte 7

SERCHHIP DISTRICT
Serchhip Vengchung 1
Thenzawl 4
Dawngzawl (BSF) 3

LAWNGTLAI DISTRICT
Lawngtlai-III 5
Lawngtlai-IV 7
Lawngtlai Bazar Veng 4
Lawngtlai Chandmary 1
Lawngtlai Council Veng 1
Lawngtlai College Veng 2
Lawngtlai New Vengpui 1
Lawngtlai Vengpui 6
Chawngte-C 2
Chawngte-L 1
Longpuighat 1
Tuithumhnar 1

MAMIT DISTRICT
Mamit Bazar Veng 1
Ailawng (Zopar) 7
Dâpchhuah 7
Kawrtethawveng 1
Kolalian 3
Mualṭhuam 2
Réngdil 8
Tripura (Kanhmun) 4