Containment zone puan a ni

Aizawl bawrhsap Dr Lalhriatzuali Ralte chuan nimin khan Aizawla hmun ṭhenkhat chu containment zone-ah a puang thar a, containment zone ni lai zinga ṭhenkhat a hlîp thung.

Model Venga chhungkaw 20, Tuivamit Venga chhungkaw 16 leh Bungkawn Vengthara chhungkaw 24 awmna chu containment zone-ah puan a ni a; Chanmari West, College Veng, Bethlehem Vengthlang leh Armed Veng South hmun ṭhenkhata containment zone puan tawhte chu hlih a ni thung a, hmun ṭhenkhat containment zone la ni zui a awm bawk.

Champhai DC Maria CT Zuali pawhin Covid-19 lêng vangin Champhai Ruantlang leh Zokhawthar chu hmun khuahkhirh bik (restricted area)-ah a puang a; hemi chhung hian hri kaite hnu chhuina kalpui a ni ang a, a ṭul angin pawhsei theih a ni ang.