MP C Lalrosanga'n External Affairs Minister a kâwm

Lok Sabha MP C Lalro­sanga chuan nimin khan Parliament Central Hall-ah External Affairs minister thar RK Ranjan Singh, minister of state for Education ni bawk a kâwm a, Myanmar aṭanga Mizorama ráltlânte ṭanpui chungchang a sawipui.

Sorkar thuchhuah tarlan danin, C Lalrosanga hian Myanmar ramri hrúla awmte hnena Covid-19 laka invènna damdawi, hmanrua leh hripui veite tana oxygen mamawh pek dan turte ngaihtuah turin RK Ranjan Singh a ngen a ni.

RK Ranjan Singh chuan, External Affairs Ministry kaltlangin tih theih ang angte tih a nih tur thu a lo hrilh a; Mizorama Passport Seva Kendra tihphuisuina tur te, a ṭul chuan din belhna tur rawtnate thlen tur leh, zirna kaihhnawih ṭulte a hnena thlen turin a chah a ni.

C Lalrosanga hian tunlaia Mizoram buai­na, ramria chengte tih­hmasawn nan Rs. 20,00,000 a pe niin sor­kar thuchhuah chuan a tarlang bawk.